xoves, 4 de febreiro de 2016

Obradoiro sobre "Identidades LGTBIQ+ e acción política: xénero, clase e sexodiversidade"


As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construindo alternativas aos poderes que nos queren ignorantes e sumisas.

Desta volta organizamos unha xornada de auto-formación  baixo o título “identidadesLGTBIQ+ e acción política. Xénero, clase e sexodiversidade“. Acompáñanos para pór en común diversos coñecementos, vivencias e ópticas. 

  • Como seguir abordando a axenda LGTBIQ+ desde a autoorganización da mocidade? Que retos hai sobre a mesa para o activismo LGTBIQ galego?

Cremos na necesidade de partillar preguntas e experiencias e dar pé á reflexión e ao debate polo que vos convidamos a asistir a esta xornada que terá lugar en Ourense, no local do BNG (rúa das Burgas, nº2) o sábado 13 de febreiro ás 17:00 horas




Ningún comentario:

Publicar un comentario